கோலாலம்பூர்: மலேசியாவில் சிக்கி தவித்த 113 தமிழர்கள் இன்று (மார்ச் 24) சென்னை அழைத்து வரப்பட்டனர்.
உலகம் முழுவதும் கொரோனா பரவியதையடுத்து மலேசியாவில் 113 தமிழர்கள் இந்தியா திரும்ப முடியாமல் சிக்கி தவித்து வந்தனர். அவர்கள் தமிழக அரசின் ஏற்பாட்டின் படி ஏர் ஏசியா விமானம் மூலம் இன்று காலை சென்னை அழைத்து வரப்பட்டனர்.
சென்னை வந்த அவர்களுக்கு தமிழக சுகாதாரத் துறை சார்பில் கொரோனா பரிசோதனை நடத்தப்பட்டது. அவர்களில் 9 பேருக்கு கொரோனா அறிகுறி தென்பட்டதால் அவர்கள் அனைவரும் சென்னை ராஜிவ்காந்தி மருத்துவமனைக்கு அனுப்பப்பட்டனர். எஞ்சிய 104 பேர் பரங்கிமலையில் உள்ள ராணுவ மருத்துவமனையில் அடுத்த 14 நாட்களுக்கு தனிமைப்படுத்தப்பட்டு கண்காணிக்கப்படுவார்கள் என்று தகவல்கள் தெரிவிக்கின்றன
